Сакајќи да покаже на извршната власт колку придонесува во загрозувањето на работатата на независните медиуми, градоначалникот на Штип, Зоран Алексов, издал наредба на Стопанска Банка за присилна наплата на данок на имот на радиото Канал 77 и ја презел улогата на даночен извршител, објави денеска радиото.
Канал 77 соопшти дека без решение, без извршител и без доставен документ до Канал 77, во координација со Стопанска Банка, извршиле блокада и одземање на пари од жиро-сметката на радиото.
„Зоран Алексов изврши кривично дело, злоупотереба на службена должност и овластување, бидејќи ја презел улогата на даночен извршители без решение согласно законот за даноци. Стопанска Банка АД Скопје постапила како што бара извршната власт и го прекршила законот, примајќи налог од неовластено лице. Канал 77 ќе поведе судски спор против Стопанска банка АД Скопје и градоначалникот Зоран Алексов“, соопшти менаџментот на радиото.
Канал 77 ќе ги информира сите релевантни институции за методите со кои се служи извршната власт при кршење на правната држава за оневозможување на работата на радиото, се вели во соопштението.