Со 52 гласа против и 42 гласа за, владејачкото мнозинство ги оспори измените за заштитени сведоци кои беа побарани од Специјалната јавна обвинителка Катица Јанева.
Претходно, со 36 гласа за и 54 гласа против, тие ги оспорија и измените на законот за СЈО, со што гласаа против продолжување на мандатот на обвинителството.
Според Петре Шилегов од СДСМ, кој ги образложуваше барањата за измените во законите, власта не сака да се донесат овие измени.
– Очигледно е дека ВМРО-ДПМНЕ не сака да се дознае кој го вршел незаконското прислушување во Македонија, рече Шилегов.
По ставот на Катица Јанева дека поради трпење на мобинг ќе се врати во Собранието единствено на пленарна седница, Илија Димовски на прес конференција и даде ултиматум на Специјалната јавна обвинителка ако не се појави на комисијата за политички систем, тие нема да ги гласаат бараните измени во законите.
Виктор Јованов