Влада: Најостро го осудуваме нападот врз новинарите, да се откријат и казнат сторителите

Од:

Владата на Република Северна Македонија најостро го осудува нападот врз новинарите што минатата ноќ се случил во Скопје, и овие инциденти ги оценува како неприфатливи и недозволиви.

„Поаѓајќи од својот деклариран став за нула толеранција за какви било напади, закани, уцени или притисоци, Владата на Северна Македонија укажува дека секој напад врз медиумските претставници, физички или вербален, треба да биде најостро осуден и санкциониран, и во таа насока ги повикува институциите итно да ги преземат сите неопходни мерки да се откријат и казнат сторителите.

Во оваа прилика, покрај она што го прави Владата во врска со обезбедувањето на демократските услови за почитување на слободите, уште еднаш апелираме и сите останати засегнати, обвинителството и судовите, како и организациите од граѓанскиот сектор, да алармираат и постапуваат за секој напад или закана против медиумските работници.

Владата на Северна Македонија, како и досега, ќе се залага сите регистрирани попречувања на работата и напади врз новинарите и медиумските работници да бидат институционално расчистени“, се вели во соопштението на Владата.

Би можело да ве интересира

Заев во Струга: Денеска е пуштен најголемиот ИПАРД проект во истoријата во Струга – За прв пат не враќаме пари туку ќе бараме повеќе од ЕУ

Ана Ололовска

Османи: Европските интеграции остануваат највисок приоритет на земјава

Ана Ололовска

Османи: Македонската и српската влада го усвоија Договорот за граничниот премин Лојане – Миратовце

Ана Ололовска

Владата ја утврди листата со 19 предлози за назначување амбасадори

Ана Ололовска

Владата го усвои дополнетиот буџет за 2020 година, прифатени 12 амандмани

Ана Ололовска

Кина на прво место по уапсени новинари во 2019 година