Новинарите Бранко Геровски, Ацо Кабранов, Билјана Секуловска, Петрит Сарачини поднесоа кривична пријава против Миленко Неделковски.
Причина е колумната на Неделковски на сајтот Дудинка каде пишува дека на овие лица треба да им се суди за велепредавство.
Во колумната авторот бара доколку „институциите не превземат мерки, тоа да го стори народот или Македонците да се организираат и да го изметат својот двор“.
Миленко сите оние кои ги наведе во својата колумна „Сечење на чировите“ ги оквалификува како „Педери што работат за интересите на грчката влада и грчките тајни служби“.
Кривичната пријава новинарите ја поднесоа лично до Јавниот обвинител Марко Зврлевски, кој рече дека ќе ја разгледаат и процесуираат.
„На оваа кривична пријава ќе дадеме соодветен третман како и на секоја кривична пријава, и ќе ја доставиме до надлежното јавно обвинителство и ве уверувам дека ќе постапиме професионално и непристрасно“, рече Јавниот обвинител Марко Зврлевски.
Бојан Стојановски