Груевски би влегол во новата ера, но со старото судство односно со неговото судство. Она што го најавив во неколку прилики е тоа што обрачот се стега. Денеска падна конечна одлука наредниот пат да започне главната расправа што значи повеќе нема бегање и тоа е добра вест, вели градоначалникот на општина Центар, Андреј Жерновски по одложувањето на рочиштето за нападот во општина Центар.
За овој предмет Апелациониот суд ја прифати жалбата на СЈО прислушуваните материјали да бидат употребени како доказ во кривичната постапка против Никола Груевски и останатите обвинети.
– Јас и сите останати очекуваме поради правдата во Република Македонија да започне овој предмет и да заврши како што треба, а тоа е да бидат казнети сите кои го организираа нападот. Насилниците мора да одговараат и да завршат таму каде што им е местото, вели Жерновски.
Виктор Јованов