ВИДЕО: Загадувањето ми ги исели децата, вели граѓанин, Макрадули ветува дека до 2024 ќе го решат проблемот

Од:

Да не постои ниту една државна институција која загадува воздух, оваа обврска ја преземаме да ја реализираме до 2024 година, рече заменикот министер за животна средина Јани Макрадули на трибината Агенда Воздух 20-24 која вечерва се одржa во Тетово.

На трибината учествуваа претставникот на движењето Еко Герила, Аријанит Џафери, претседателката на комисијата за заштита на животна средина на СДСМ Каја Шукова и професорот Дејан Мираковски. Тие ги споделија клучните проблеми и можни решенија за загадувањето, а еден од присутните во публиката се обрати со зборовите:

„Ние сме кривците, но Владата ги држи конците. Како се изгасна Југохром? Нема пречистителна станица, ете 800 луѓе се пратија дома. Едноставно не смее да има пардон. Сакате мртви луѓе да гледате по улици? Потребни се радикални мерки. Инспекторите за екологија никој не ги ферма. Дојдено ни е преку глава. Децата мои побегнаа од Македонија, не зашто немаа пари туку зашто не можеа да дишат“, рече тој.

Шукова на ова одговори дека мерките за намалување на загадувањето, меѓудругото предвидуваат воведување на 24 часовен инспекциски надзор на загадувачите и зајакнување на централниот инспекторат и на општинските инспекторати за животна средина. Како друга мерка Шукова ја наведе забраната за користење на нееколошки енергенси, пред се во јавните објекти, која е започната и мора да продолжи со поголеми финансиски средства. Овој процес ќе оди паралелно и во домаќинствата.

Макрадули се повика на „Планот за чист воздух“ и рече дека примерот по кој земјата го решава  проблемот не е нов.

„Земен e од развиените земји како Шведска, Данска, Велика Британија и други каде вродиле со позитивен резултат. Посветени сме на борбата за чист воздух и ќе продолжиме и натаму со силна решителност“, рече Макрадули.

Според Џафери, потребно е зајакнување и зголемување на капацитетите на Царинската управа со цел да се прави темелна проверка на отпадот кој влегува во нашата земја.

„Но, за одбрана на животната средина клучно е функционирањето на правната држава. За ова ни требаат храбри и одлучни политичари кои нема да се плашат да ги изгубат следните избори, туку ќе се плашат да не ги изгубат идните генерации“, рече тој.

Би можело да ве интересира

СДСМ: Отворен е нов прозорец на соработка и пријателство помеѓу С. Македонија и Бугарија

Ана Ололовска

СДСМ: Арсовска со нејзиното неработење нанесува штета на скопјани и Скопје

Ана Ололовска

СДСМ: Доаѓа ново време, новата Влада веднаш започнува со работа

Ана Ололовска

СДСМ: Изминаа два и пол месеци, а Арсовска ништо не сработи за скопјани

Јајоска: Со скандалозни одлуки, Арсовска покажува целосна негрижа за граѓаните на Скопје

СДСМ: Арсовска ги заборави скопјани, но Владата најде решение за топли радијатори