Пакети со прехранбени продукти за жителите на најпогодените подрачја од коронавирусот, Куманово и Дебар, ќе донира семејството на претседателот на СДСМ, Зоран Заев.
Заеви ќе донираат 700 пакети со прехранбени продукти, од кои 500 ќе бидат наменети за Куманово и 200 за Дебар. Тие ќе се доставуваат во соработка со општинските кризни штабови на најпогодените градови.
Доставата ќе ја прави семејството Заеви со помош на струмичкиот кризен штаб и хуманитарни здруженија. Пакетите ќе се испорачуваат од утре, нивната подготовка привршува.
Помошта ќе биде доставена до кризните штабови на Куманово и Дебар, а тие ќе ја доставуваат до најпогодените семејства, односно до оние кои имаат потреба од продуктите.
Претходно, семејството Заеви донираше 6000 чаршафи за болнички кревети, од кои 5000 чаршафи се директно предадени на Министерството за здравство, а 1000 чаршафи во болниците во Струмица, Штип и Прилеп. Тие набавија и скафандери, визири и маски за здравствените работници и тоа во значителни колични и веќе се на пат кон државава.