Претседателот на СДСМ, Зоран Заев, од Сараево изјави дека потписите за мандат се веќе обезбедени и дека Македонија во првата половина на март ќе добие нова Влада предводена од СДСМ.
Тој потврди дека идната владина програма, платформата на СДСМ и платформата на албанските политички партии како и Законот за употреба на јазиците се усогласени, останува да се договорат за поделба на ресорите во новата Влада.
Лидерот на СДСМ е во работна посета на Босна и Херцеговина каде треба да прими награда за најградоначалник во средна и југоисточна Европа.
