Смешни се обвинувањата на Васил Пишев поради тоа што не знае да разликува деца со посебни потреби и ученици во делот на организација на превозот. Децата со посебни потреби се превезуваат со такси возила. Тие одат во придружба на својот родител и тоа е регулирано со закон, рече Заев за обвинувањата на Пишев дека тој правел криминал со превоз на ученици во Струмица.
– Истовремено, постапките во Општина Струмица се транспарентни, се јавни, се добиваат по пат на јавна лицитација, за разлика од Битола, каде во четири очи се склучувале договорите. Повеќе лагите не поминуваат на власта, нивните сценарија да најдат човек кој што апсолутно нема ни трошка свест за тоа што го зборува и го злоупотребат, за да можат перјаници на власта тоа да го искористат во манипулативни цели, манипулирајќи со граѓаните повеќе не поминуваат во Македонија, рече Заев.
Пишев претходно обвини дека Зоран Заев како градоначалник на Струмица има склучено договор за јавна набавка за превоз на ученици, односно деца со посебни потреби во ООУ „Сандо Масев“ и вработените од општинската администрација, но според него, учениците и вработените во администрацијата не ја добивале услугата.
Александар Тодески