Мене и верата и родителите ме учеле да простувам и сакам да простувам затоа што Македонија има потреба од помирување и од подавање на рака, изјави премиерот Зоран Заев кој денеска сведочеше за настаните во Собранието од 27 април минатата година.
Откако излезе од судницата рече дека чувството е непријатно, но дека има обврска како секој граѓанин повикан да сведочи да дојде во судот и да ја изврши граѓанската должност.
Заев не сакаше да открива детали од неговото сведочење јавно пред камера затоа што како што рече Македонија оди напред и не сака да ги навраќа граѓаните на тоа што се случуваше на 27 април лани.
„Не им е лесно на овие луѓе внатре кои што се обвинети, не би сакал јас дополнително да додавам нешто“, рече Заев.