Насмеан, со лесен чекор и бело марамче во рацете, градоначалникот Зоран Заев вечерва го поведе најголемото балканско оро во кое учествуваа над илјада играорци од Македонија, Босна и Херцеговина и Бугарија, а кое се играше на градскиот плоштад во Струмица.
Со ова оро започна второто издание на Струмица опен фестивалот кој во следните десет дена ќе презентира голем број културни и забавни содржини на повеќе локации во градот под Царевите кули.
„Ова е најголемиот плоштад кој ќе собере повеќе од 150.000 посетители. Ова е уникатен фестивал“, изјави градоначалникот на Струмица, Зоран Заев.
