[staff name=”Елена Георгиевска” position=”Автор”][/staff]Приврзаниците на СДСМ со околу 350 автомобили протестираа низ улиците во Куманово, поради незадовлството од однесувањето на централната власт.
На протестниот караван изјави дадоа парламентарецот Оливер Спасовски и градоначалникот Зоран Дамјановски кои побараа смена на „диктаторскиот режим“.
Македонија не е сопственост на Груевски, ни на неговиот братучед, ниту на некој од неговата партија. Груевски ако е толку храбар треба да се одважи и да излезе на предвремени парламентарни избори, да му суди народот и на него и на нас за она што се бориме. Се надевам дека наскоро ќе седнеме и ќе разговараме и ќе сфати дека иднината на Македонија не може да биде во негови раце, туку во раце на граѓаните – изјави пратеникот Оливер Спасовски.
Градоначалникот, Зоран Дамјановски додаде дека бојкотот ќе трае се додека не се постигне договор за стратешките интереси на Македонија.
