(ВИДЕО) Васев: Со потпис на Милошоски уапсениот дипломат бил праќан во различни држави

Од:

Се гледа дека криминалните структури на фамилијата се видно загрижени од скандалот со македонските дипломати, па сега очајно се обидуваат да фрлаат магла во очите на македонските граѓани, изјави Стефан Васев од СДСМ на денешната прес конференција.

„Вистината е сосем поинаква од она што се обидува да го прикаже ВМРО-ДПМНЕ. Миле Миленковски, сега притворен во Србија по потерница од Ерменија, во 2009 година е испратен во Детроит, САД, со решение од Антонијо Милошоски. По четири месеци, повторно со ова решение од Милошоски е пратен во амбасадата во Вашингтон. Во 2011 година исто така со решение на Милошоски е испратен во конзулат во Чикаго, останува до 2014 година, а по само една година, со решение на Никола Попоски е испратен во ОБСЕ во Виена“, вели Васев.

Според него, граѓаните заслужуваат да ја знаат вистината и вели дека истрагата ќе ги даде одговорите на клучните прашања.

„Дали во време на ВМРО ДПМНЕ имало цела разработена криминална шема, раководено од Мијалков, во која вакви видови услуги се нуделе на црниот пазар? Антонијо Милошоски, кој патем има судска пресуда во Германија, треба да одговори дали помагал во обезбедувањето приватни авиони за оваа криминална шема? Дали тие пари завршувале во белиот дворец? И дали токму Антонијо Милошоски во име на Сашо Мијалков и Груевски, до ден денес одржува блиски контакти со овие и слични структури?“, прашува Васев.

Би можело да ве интересира

Прифатени три, од четирите кандидатури за претседател на СДСМ

Петровска: Враќањето на Ставрески е доказ дека ВМРО-ДПМНЕ не е поместена од режимската матрица

СДСМ: Мицкоски е против успесите на државата, против интересите на граѓаните

Пријавите на четворицата кандидати за лидер на СДСМ на верификација

(ВИДЕО) Јанчева: Со поништувањето на јавниот оглас, Арсовска спречи вработување на 20 пожарникари во Град Скопје

Ана Ололовска

Јован Деспотовски поднесе кандидатура за претседател на СДСМ

Ана Ололовска