Социјалдемократскиот сојуз на Македонија и коалиционите партнери денеска до Собранието поднесуваат предлог закон за изменување на Законот за аудио и аудиовизуелни медиумски услуги, во скратена постапка со барање за одржување на итна седница на Собранието на Република Македонија, рече координаторот на пратеничката група на СДСМ, Горан Сугарески.
– Не само усвојувањето туку, и потенцирам, имплементацијата на овој Закон е исклучително важна и нужна, рече Сугарески.
Сугарески кажа дека за да има услови за фер и деморкатски избори, мора да бидат избрани и конституирани новите членови на Советот на АВМУ и Советот на МРТВ.
– Предлогот на новинарските здруженија е во насока на предлозите на меѓународната заедница за реформи во медиумите што СДСМ принципиелно го поддржува. Реформите во медиумите за професионално, навремено и вистинито информирање на граѓаните се клучна заложба на СДСМ и еден од условите за фер и демократски избори, рече Сугарески.
Според него, на секој граѓанин му е јасно, без регулација на медиумите и без прочистен избирачки список нема фер и демократски избори.
Александар Тодески