(ВИДЕО) Судот со двојни аршини: За „Пуч“ дозволи, за 27 април обвинението се оценува без јавноста

Од:

Судиите Марин Станевски, Оља Ристова и Даниела Алексовска Стојановска, иако адвокатите на обвинетите побараа, не дозволија јавност на оценката на обвинението за 27 април. Обвинителка во предметот е Ивана Трајчева.

dobivaj vesti na viber

Ова е двојна пракса на судот, бидејќи, кога Зоран Заев како обвинет и адвокатите побараа јавна седница за оценка на обвинението во случајот „Пуч“ тоа им беше дозволено.

Во судот дојдоа обвинетите и нивните адвокати. Според теоријата на обвинителството, обвинетите Трајко Вељаноски, Спиро Ристовски, Миле Јанакиески и Владимир Атанасовски, на почетокот на 2017 година по неуспешните преговори за формирање Влада, со намера да го загрозат уставниот поредок и безбедноста на земјата, подготвиле и реализирале план со акти на насилство да оневозможат мирно примопредавање на власта на новоформираното парламентарно мнозинство.

Обвинетите, како што наведе Обвинителството, ги организирале и материјално ги поддржале масовните протести, првин пред Државната изборна комисија, а потоа и протестите на движењето „За заедничка Македонија“ што кулминираа со насилното влегување во парламентот на 27 април 2017 година.

Организаторите ја вклучиле севкупната партиска структура и материјални средства за исполнување на целта, притоа овозможиле и континуирано намалување на бројот на полициски службеници за обезбедување на протестите и на зградата на Собранието.

Критичниот ден организирале непречено влегување на народните маси во парламентот, вклучувајќи патриотски здруженија и ангажирајќи извршители на насилство.

Во седиштето на политичката партија ВМРО-ДПМНЕ, двајца од обвинетите постојано го мобилизирале членството на партијата од Скопје и другите градови во одреден момент да извршат насилен упад во Собранието, знаејќи однапред дека објектот не е соодветно обезбеден и заштитен со полициски сили и дека пречките за влез во Собранието ќе бидат отстранети.

Извршителите на нападот се неправосилно осудени на вкупна казна затвор од над 200 години.

Би можело да ве интересира

Митрески: Крвавиот четврток е вистинското лице на ВМРО-ДПМНЕ, нема да дозволиме никогаш да се повтори

СДСМ: 27 ми април е вистинското лице на ВМРО-ДПМНЕ, насилниците никогаш нема да бидат уставобранители

Катерина Павлова-Николовска

И за Нинџа се бара помилување, заменик-министерот за правда не се согласува со сите предлози

Кристијан Ландов

Уште неослободен, Русковска бара Јанакиески повторно да оди во притвор

Кристијан Ландов

Пучдемон бара од Општиот суд на ЕУ да му го врати европратеничкиот имунитет за да избегне екстрадицијата во Шпанија

Ана Ололовска

Ист судија двапати му верува на сведокот Нинџа, кој тврди дека случајно се затекнува на настани каде никој не го видел

Кристијан Ландов