Судечкиот совет по барање на одбраната одлучува дали повторно да ја одложи седницата на Апелациониот суд, поради отсуството на бранителот на Груевски, Боро Тасевски, на која се одлучува по жалбите на обвинетите за случајот „Тенк“.
Судечкиот совет ја отстрани јавноста и двете страни од судницата поради консултација.
Вчера судечкиот совет почна и веднаш се одложи јавната седница, поради неприсуството на осудениот Груевски и неговите четворица адвокати, кои според претседателката на кривичниот совет Цветанка Перишиќ, уредно го известиле судот дека ќе присуствуваат на рочиштето во Кривичниот суд Скопје за предметот на СЈО „Насилство во центар“, во кое Груевски, исто така, е обвинет.
За случајот „Тенк“, поранешниот премиер Никола Груевски како поттикнувач за извршување на делото е осуден на две години затвор, а поранешниот помошник министер во МВР Ѓоко Поповски е осуден на шест години и шест месеци затвор.
Виктор Јованов