Ова зад мене е започната дивоградба за која што има основано сомневање дека зад неа стои Артан Груби, а градител е неговиот братучед. Започнатата луксузна градба со базен е дивоградба затоа што за неа нема дозвола. И затоа градбата е запрена од општината рече портпаролот на ВМРО-ДПМНЕ Наум Стоилковски на прес конференција одржана пред објектот за кој тврди дека е поврзан со првиот вицепремиер Артан Груби.
– Кога се нема дозвола, а се гради, тоа е дивоградба, а тоа е криминал. Со денови Артан Груби и ДУИ шират лаги дека ВМРО-ДПМНЕ е против градење, а Христијан Мицкоски забранил Албанци да градат во општините, а ова е причината: сопрена дивоградба, градба без документи, на Груби! Никој не е против градба, ниту има етничка заднина, ВМРО-ДПМНЕ е против криминалот, а градење без документи е криминал! И тоа го боли Артан Груби, рече Стоилковски.
Стоилковски рече дека дивоградбата и запирањето на градбата од Општината се причината за Артан Груби да посакува меѓуетнички конфликт да обвинува за дискриминација.
– Запирањето на дивоградба е причина за Груби да го злоупотреби ДУИ за соопштенија дека ВМРО-ДПМНЕ им забранува на Албанци да градат. Артан Груби е професионален Албанец кој ја злоупотребува етничката припадност за криминали. Од криминалот на Груби, губат и Албанци и Македонци, а ќар има само тој. Ова е веќе петти огромен скандал поврзан со Артан Груби, по дуќанот во Центар, баждарењето на нафтени деривати, хотелот на Шапка, житото од државните резерви… Уште што треба да направи Артан Груби за институциите да почнат да работат? По смената на власта, сите до еден случај ќе бидат испитани и одговорност ќе има рече портпаролот на ВМРО-ДПМНЕ.