ВИДЕО: Ставена куполата на џамијата во Охрид, Заев вели дека не може да пушти булдожер

Од:

Додека премиерот Зоран Заев најавува дека со разговори меѓу граѓаните на Охрид и ИВЗ ќе се реши прашањето за тоа што ќе се прави со градбата на минарето на Али-пашината џамија во Охрид, таму градежните работи привршуваат. На минарето денес е поставена покривна конструкција. Тоа се забележува и од домовите на граѓаните, поради неговиот габари. „А1 он“ побара став од ИВЗ, за тоа дали е завршена доизградбата на објектот, но не добивме одговор.

Премиерот Зоран Заев тврди дека не е запознаен дека е поставена куполата на минарето. Тој и натаму вели дека ќе разговара со „Совест“ и ИВЗ. Рече дека на крајот законите ќе провладаат, но откако му беше кажано дека градбата е пред самиот крај, тој повторно се повика на институциите.

„Значи да увидиме што е што. Да увидиме како е ставено, што е направено таму, треба да ги видиме сите тие детали. Премиерот е достаpен за вашите прашања, но не може да биде директен извршител, да ги пушти булдожерот, да сруши објкет, да го сопре процесот. Низ институциите се решава, секој со своите надлежности, права, како и одговорности“, вели Заев.

Градежните активности на охридската џамија не застанаа во ниеден момент иако и премиерот Зоран Заев во предизборниот период изјави дека ресорното министерство нема издадено одобрение за градба на минарето. Граѓанското здружение „Совест“ од почетокот на градбата укажуваше дека станува збор за дивоградба и непочитување на законите, но институциите не постапуваа. Ваквиот однос, власта го правдаше со меѓуетнички соживот, а се шпекулира дека изградбата на минарето на џамијата е услов за опстанок на коалицијата СДСМ-ДУИ.

Премиерот Зоран Заев оствари една средба со претставници на здружението „Совест“. По средбата, беше кажано дека градбата ќе се стопира, а разговорите ќе продолжат по изборите, сè до конечно решение, но досега средбане се одржа. Заев вети дека ќе биде поставена жолта лента за забранет пристап пред џамијата, но институциите не постапија.

За изградба на минарето треба да се издаде дозвола за градба од ресорното министерство, во спротивно тоа ќе треба да се отстрани бидејќи се смета за дивоградба.

„А1 он“ и претходно објави дека ИВЗ и Владата имаат заеднички договор дека ќе се направат отстапки во висината на минарето, кое, наместо 32, ќе биде 25 метри, за да се затворат спорните прашања. Отворено останува само прашањето за правната регулација на овој договр. Премиерот Заев го негира ваквиот договор, а од ИВЗ немаат конкретен одговор.

Кристијан Ландов

Би можело да ве интересира

Костадиновска-Стојчевска: Ги исполнуваме препораките на УНЕСКО и заеднички овозможуваме трајна заштита на Охридскиот регион

Мониторинг-мисијата на УНЕСКО на проценка во Охрид

Кражбата во средното училиште во Охрид ја извршила ученичка

Стоилковски: Непотизам во Охрид, роднината на Зечевиќ главен кадровик на СДС во општината

Катерина Ѓуровски

Ученици од прва до четврта година принудени да плаќаат за наметки и капи за матурантите

Орце Костов

Левица: Јавните претпријатија повторно во загуба иако ги покачија цените врз грбот на охриѓани