ВИДЕО: Средба на Груевски со германскиот амбасадор Герберих

Од:

Претседателот на ВМРО-ДПМНЕ, Никола Груевски денес заедно со членовите на Извршниот комитет на ВМРО-ДПМНЕ, Никола Попоски и Владимир Ѓорчев оствари средба со амбасадор на СР Германија, Томас Герберих.

На средбата се разговараше за повеќе актуелни теми поврзани со стратешките приоритети на државата, членството во ЕУ и НАТО, актуелната политичка и економска состојба, како и можностите за соработка и поддршката од германска страна.

Претседателот на ВМРО-ДПМНЕ, Никола Груевски посочи дека стратешки приоритет на државата останува членството во Европската унија за што е потребно исполнување на стандардите и реформите. Беше посочено од страна на ВМРО-ДПМНЕ дека досега владата на СДС освен декларативна заложба нема суштински резултати на овој план.

Груевски посочи дека е во интерес и на самата Европска унија Република Македонија што побрзо да добие датум за преговори кој би значел валоризација на сите претходни достигнувања напревени во оваа насока.

Соговорниците беа запознаени со актуелната политичка состојба и состојбата во економијата која добива загрижувачки надолен тренд.

Груевски ја посочи отвореноста за соработка со германската држава во сите полиња и сфери кои се од интерес на Република Македонија. Тој истакна дека од големо значење е поддршката која ја добива државата од СР Германија.

Би можело да ве интересира

ВМРО-ДПМНЕ: Пријавите против Митовски покажуваат дека тој не е жртва, туку локален шериф кој тепа граѓани

ВМРО-ДПМНЕ: Владата продолжува со инфраструктурен развој на државата

ВМРО-ДПМНЕ: Морбидно е да се слуша СДС како ликуваат за пожарите низ државата

(ВИДЕО) Манасиевски: Градоначалникот тепач од Крива Паланка, пред јавноста глуми жртва, а во суштина се однесува шерифски во општината

Јаулески: За ваучерите за електронски уред издвоени се 850 милиони денари со кои се опфаќаат над 55 илјади студенти

(ВИДЕО) Димитријевиќ: Режим на дело, почнаа нарачаните кривични пријави против кандидатите на СДСМ