Светиот архиерејски Сабор едногласно излезе во пресрет на МПЦ и го благослови и го одобрува барањето, прифаќа и признава автокефалност на МПЦ рече патријархот на Српската православна црква Порфириј соопштувајќи ја веста веднаш по заедничката литургија со Архиепископот Стефан во Соборниот храм во Скопје.
– Да се радуваме сите ние кои после 55 години служевме Света литургија, прво во Белград, а сега и во Скопје, за само неколку дена. Затоа секогаш треба да знаеме дека сите треба едно да бидеме, иако сите сме разлини, во едно сме едиснтвени. Во Христа сме едно. Вашата љубов и молитви и во Белград и тука помогнаа да се надмине искушението и Господ да направи чудо. Дека не можеме едни без други. Воспоставивме единство.Ви носиме уште една радост. Светиот Собор на СПЦ едногласно излезе во пресрет на молбата на МПЦ-ОА, го одобрува и ја прифаќа автокефалноста – рече во говорот српксиот патријарх.
Тој додаде дека Светиот собор на СПЦ ставил на должност на Синодот во соработка со архиеписопот Стефан и неговиот Синод, да разработат техничко-организациски детали, по што ќе следи свеченото прогласување на официјален акт.
– Потоа ќе бидат известени сите помесни православни цркви и тие да го прифатат афтокефалниот статус на МПЦ-ОА, рече патријархот Порфириј.