Секој ден сме подготвени да протестираме за да заврши ова корупмирано и автократско владеење, рече потпретседателката на СДСМ, Радмила Шекеринска додека со стотици граѓани маршираше од антивладиниот камп до Министерството за финансии како одговор на новата бомба што ја објави опозицискиот лидер, Зоран Заев.
– Новите разговори покажуваат дека оваа власт не само што почива на авторитарно владеење туку и на огромна корупција која ги зафатила сите пори на општеството. Груевски е тој кој одлучува кој ќе добие бизнис, колку пари од тој бизнис ќе завршат на партиската и на лични сметки. Груевски е тој кој одлучува кој писма ќе останат во архива. Сакаме со овој протест да ги потсетиме министрите и оние кои бегаат од владината зграда, дека надвор им се случува огромен револт. Сакаат да го избегнат, сакаат да ги затворат очите и ушите – рече Шекеринска.