Се вжештува политичката состојба. По најновите апсења за случајот „Претседавач“, и одредувањето на 30 дневен притвор за претседателот на Советот, Мирослав Шиповиќ, СДСМ ќе го замрзне учеството во работната група за спроведување на препораките од Извештајот за 24. декември.
„СДСМ нема да молчи по она што се случува и за пораките кои власта ги испраќа кон сите граѓани. Новото притворање е демонстрација на сила и само сеење страв кон граѓаните. Тврдат дека предметот е отворен повеќе од 3 години, а името на предметот е „Претседавач”. Знаеме дека господиниот Шипковиќ е претседавач само 4 или 5 месеци на Советот на општина Центар, со што се покажува каква е намерата на власта. Едно е сигурно веднаш ќе го замрзнеме учеството во Работната група во Парламентот за имплементација на препораките од Извештајот за настаните на 24. декември.Ова дефинитивно нема смисла.
Оваа група има за цел да ги спроведе препораките од Извештајот за настаните од 24-ти, за да не се повторат овие настани, а денеска власта провоцира нови.Ќе разгледаме уште многу демократски мерки кои и стојат на располагање на опозицијата. Опозицијата е овде ќе ја одигра заштитнчиката улога за народот.Ова што се случува со пресумцијата на невиност и директниот атак на централната во локалната власт ќе има своја рефлексија. СДСМ нема намера да молчи и да не реагира “, рече Заев.
СДСМ во недела ќе одржи состанок на сите партиски органи и функционери на кој ќе донесат одлуки за нивното понатамошно дејствување.