(ВИДЕО) СДММ: СДСМ ќе го укине екстерното тестирање

Од:

„Екстерното тестирање е еден од најнеуспешните проекти на Никола Груевски во образованието. Ниту нешто мери, ниту нешто подобрува. Само ги зголемува фрустрациите кај наставниците, стресот кај децата, учениците и родителите.

Квалитетот на образованието не беше воопшто цел. Напротив. Дополнето со сите други лоши закони и проекти спроведени од страна на ВМРО-ДПМНЕ се создаде хаос во образованието“, рече Дарко Каевски, потпретседател на СДММ.

„Упорноста со којашто ВМРО-ДПМНЕ го турка овој проект и покрај огромниот револт и протести на учениците и родителите, покажува дека за власта во заминување не мисли на учениците.

Денеска ВМРО-ДПМНЕ им приреди ново малтретирање и нов стрес на учениците со екстерното тестирање.

Од утрово лошиот систем за екстерно тестирање повторно не функционираше. Со часови матурантите чекаа во училиштата за да го полагаат тестот.

Никој не презеде одговорност за тоа што учениците се држеа толку долго време во училиштата иако немаше услови за полагање.

Овој концепт беше наметнат со цел врз илјадници наставници, да се врши постојан притисок за да им се наметнува партиска контрола. Заканите со казни, кои беа масовно воведени, беа втората алатка со која Никола Груевски сакаше послушни наставници, луѓе кои ќе мислат на казните и како да се спасат од нив а не на хаосот во образованието и лошиот живот.

Наместо екстерно, потребно е вистински развој на образованието.

Во интерес на учениците, професорите, родителите и целокупниот образовен протест екстерното тестирање ќе биде укинато од Новата влада на СДСМ“, изјави Дарко Каевски, потпретседател на СДММ.

Би можело да ве интересира

(ВИДЕО) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина

Катерина Ѓуровски

СДСМ: Најдобриот виц оваа година е дека Максим Димитриевски бил коректор на власта, тој е обичен приврзок на Мицкоски

(ВИДЕО) Јанчева: Мицкоски не смее да му писне на Меџити за 200 дивоградби

(ВИДЕО) Шукова: Нов скандал во МВР, милионски тендер за возачки испити заврши кај советник на ВМРО-ДПМНЕ

Горан Наумовски

ВМРО-ДПМНЕ: Чочекот е единственото што СДС знаат да го прават кога станува збор за капитални инфраструктурни проекти

(ВИДЕО) Талески: СДСМ заврши над 90 отсто од патот низ Фаришката клисура, ВМРО-ДПМНЕ повторно се кити со туѓи перја