„Македонските граѓани во големо мнозинство, над 70% сакаат членство во ЕУ. Додека Мицкоски и ВМРО намерно ја туркаат земјата кон изолација, далеку од ЕУ. Известувачот за Македонија, Томас Вајс денеска изјави дека мора да се исполнат реформи и условот со уставни измени за да продолжи европскиот пат на земјата, при презентирањето на нацрт-извештајот за 2025 година“ соопштија доцна попладнево од СДСМ.
Од опозициската партија велат „евроамбасадорот Михалис Рокас вчера беше дециден дека нема членство во ЕУ без право на глас и без право на вето. Со ова, приказните на Мицкоски се разобличени целосно“.
„Исто како и празната националистичка реторика која веќе не поминува. Граѓаните го гледаат Мицкоски седнат во авион како се луксузира на нивна сметка, со скапи часовници од 60.000 евра, со тендери како томбола за бизнис. Тоа е личен финансиски патриотизам. Зборува за меко ткиво а не знае дека и мозокот е меко ткиво. Мицкоски, граѓаните имаат мозок“ е ставот на СДСМ.