Откажувањето на Самитот на лидерите на Југоисточна Европа во Охрид кој конитинуирано се одржува од 1996 година е троен неуспех за Македонија, реагира ЛДП. Од партијата порачуваат дека претседателот Ѓорѓе Иванов не смее да се извлекува од фијаското со изјавата дека „ нема да дозволи врз грбот на Македонија да се прекршуваат старите балканските предрасуди“.
Од ЛДП посочуваат дека тројниот неуспех се огледува во тоа што со неуспешниот Самит, драстично опаѓаа меѓународниот имиџ на Македонија, дека тоа е голем пораз на македонската дилпломатија и уште една потврда за погрешна политика кон соседите.
-За успешноста не е доволен прекрасниот Охрид, туку е неопходна конзистентна полтика на доброседство. И овој пат, како по Букурешт има обиди причните за неуспехот да се бараат надвор. Причните претседателе, треба да ги барате дома, во отсуството на дипломатска предвидливост и во неспоспособноста и тврдокорноста на политиката која нема ништо заедничко со европските вредности на дејствување, рече Нано Ружин од ЛДП.