ВИДЕО: Претреси низ цела држава, запленети дрога и муниција, приведени над 20 улични дилери

Од:

Од Министерството за внатрешни работи информираат дека при претреси низ целата држава се запленети дрога и муниција, а приведени се над 20 улични дилери.

„Одделот за криминалистичка полиција – Сектор за недозволена трговија со дрога, оружје и опасни материи денеска (25.03.2022) во соработка со единиците за недозволена трговија со дрога и оружје на подрачјата на сите сектори и одделенија за внатрешни работи во државата презеде координирани активности за сузбивање на продажба на наркотична дрога, улично дилерство на наркотични и синтетички дроги и недозволена трговија со огнено оружје.

Од 05.00 часот на територија на Република Северна Македонија беа извршени претреси во домови и други простории на над 20 локации (пет во СВР Тетово, по две на подрачјата на ОВР Гевгелија и ОВР Кичево, по една во СВР Скопје, СВР Куманово, СВР Струмица, СВР Штип, ОВР Струга, ОВР Пробиштип, ОВР Берово, ОВР Свети Николе, СВР Битола, ОВР Гостивар, ОВР Неготино и ОВР Кавадарци), при што беа пронајдени и одземени поголема количина марихуана, стебла канабис, 22 пакувања со хероин, амфетамин, прашкаста материја, грутчеста материја, предмети со остатоци од прашкаста материја, парични средства, две дробилки, три ваги, 29 куршуми од кои 25 со калибар 7,62 х 39 мм и четири куршуми со калибар 38 специјал, а како што соопшти портпаролот на МВР Сузана Прањиќ Талевска, на подрачјето на ОВР Гевгелија беше пронајдена и импровизирана лабораторија за производство на канабис.

Во текот на акцијата се приведени над 20 лица, против кои по документирање на случаите ќе бидат поднесени соодветни поднесоци“, информираат од МВР.

Би можело да ве интересира

Фатени крадци во кругот на поранешен Тутунски комбинат – Куманово

МВР: Полицаец во станица му се заканувал на својот командир

Тепаната жена не сака да го тужи насилникот, случајот го пријавила мајка и, МВР поднесе пријава за „телесна повреда“

Катерина Ѓуровски

Нови локации за забрана за користење на дронови, овој пат во Скопје

МВР: Кривична за момчето кое со полициска службена легитимација од татко му се претставуваше како полицаец

АХВ и МВР во магацин во Маџари пронајдоа 40 тони небезбедни сувомесни производи

Катерина Ѓуровски