Додека пратеникот од СДСМ, Дарко Каевски оддржуваше прес конференција пред седиштето на ВМРО ДПМНЕ со барање сите инволвирани во случајот Титаник да поднесат оставка. На прес конференцијата упадна портпаролот на опозициската партија, Наум Стоилковски, со контра обвинувања и барање за одговор како Каевски стекнал четири милиони.
– Врхушката на ВМРО ДПМНЕ, клучните играчи на осудениот криминалец Никола Груевски, признаа дека правеле изборен криминал, влијаеле на избирачко право и нелегално ги финансирале изборните кампањи. Сега на граѓаните им е кристално јасно се, се потврди целиот криминал на режимот на Груевски и ВМРО-ДПМНЕ. Ете зошто Мицкоски на сите лидерски средби условуваше и бараше бришење на член 165 од Кривичниот законик, кој се однесува на злоупотреба на средства за изборна кампања, рече Каевски на прес конференцијата.