ВИДЕО: Пендаровски го потпиша Указот за прогласување на Законот за ратификација на Северноатлантскиот договор

Од:

Претседателот на Република Северна Македонија, Стево Пендаровски, денеска – 12 февруари 2020 година, среда, го потпиша Указот за прогласување на Законот за ратификација на Северноатлантскиот договор.

„На ова чекавме речиси 30 години, ама се исплатеше. Нека ни е со среќа!“, рече претседателот Пендаровски по потпишувањето на Указот.

На чинот на потпишувањето присуствуваа студенти од политички студии на Правниот факултет „Јустинијан Први“ од Скопје.

Симболично пенкалото со кое го потпиша указот и го даде на една од студентитките во чие присуство беше потпишан документот.

Законот за ратификација на Североатланскиот договор беше изгласан вчера на свечена седница во Собранието и тој е со одложено дејство, односно ќе стапи во сила откако Шпанија ќе го ратификува Протоколот за нашето членство во НАТО.

Владата се одлучи за предвремена ратификација кај нас, со цел да не се загуби континуитетот во процесот на официјализирање на нашето членство со оглед на тоа што земјава оди на предвремени избори на 12 април. По свечената седница, знамето на НАТО беше закачено на јарбол пред законодавниот дом. Земјава ќе стане 30-та членка на НАТО.

Би можело да ве интересира

ВИДЕО: Спасовски, Шекеринска и Димитров упатија честитка по повод Денот на НАТО

Ана Ололовска

НАТО помага во борбата со коронавирусот, министрите за надворешни работи на земјите членки ја поздравија С. Македонија како нов сојузник

Ана Ололовска

НАТО ја потврди одлуката за намалување на војниците од Авганистан

А1он

Воената команда на НАТО во Европа се вклучува во напорите за спречување на Ковид-19

А1он

НАТО: Приемот на Северна Македонија покажува дека мултилатерализмот треба да се зајакне

А1он

Димитров: Ширењето на соработката, помошта и информациите треба да биде побрзо од ширењето на пандемијата

А1он