(ВИДЕО) Нинџа: Добив најниска казна за „27 април“ бидејќи не нападнав никого во Собрание

Од:

Осудениот Александар Василевски – Нинџа за случајот „27 април“ не е сигурен дека ќе ја добие тужбата што ја поднесе против Наум Стоилковски, портпарол на ВМРО-ДПМНЕ. Тој и натаму смета дека е оправдано што добил најниска казна за предметот каде беше осуден за кривично дело терористичко загрозување на уставниот поредок и безбедност. Нинџа во изјава за „А1он“ вели: „Судот  ќе процени дали ќе ја добијам или не“, по судењето каде беше сослушан како тужител.

dobivaj vesti na viber

„Јас немам добиено амнестија и тужбата е бидејќи господинот Наум Стоилковски ме клевети. Образложив пред судскиот совет ама бидејќи постапката е во тек“, вели Нинџа за „А1он“.

Тој беше прашан како ја добил најниската казна за „27 април“, каде се досудени вкупно 211 години затвор, на што тој одговори: „Ниту сум бил во Собрание ниту сум презел каков било напад врз пратеници, физички лица, новинари. На 27 бев околу собранието и ја известував тогашната управа за безбедност и контраразузнавање“.

Тензично помина рочиштето каде Александар Василевски – Нинџа, осуден и сведок во предметот „27 април“, го тужи портпаролот на ВМРО-ДПМНЕ, Наум Стоилковски, за клевета. Причината е прес-конференција каде портпаролот кажа: „режимот на СДСМ/ДУИ пресуди над 200 години затвор заради изјавата на  Александар Василевски – Нинџа, а тој ќе шета слободен по улиците. Над 200 години затвор, Нинџа помилуван од Пендаровски на предлог на Маричиќ и на Заев“.

Судијката Наташа Тодорова најпрво не овозможи тонско снимање на рочиштето со образложение дека нема услови, одби истото да го одложи додека не обезбеди судница со инсталирана опрема, не дозволи новинарската екипа на „А1он“ да води забелешки, се закани со земање опрема за работа, го извади тужениот надвор од судница повикувајќи се на ЗПП, но не и на член од законот, а потоа го сослуша тужителот Василевски – Нинџа. Расправија имаше и меѓу Ружица Николовска, адвокатка на Стоилковски, и судијката. Николовска бараше Стоилковски да остане во судницата, судијката да не прави суштествена повреда и да води рочиште без тонско снимање. Судијката Тодорова, пак, во записник не нотираше сè што на рочиштето беше кажано, со образложение: „Судот одлучува што ќе влезе на записник“, што е спротивно за ЗПП. Сето ова, на крајот, по исказот на Нинџа, резултираше со барање за изземање на судијката, за кое треба одлучи претседателот на судот.

Би можело да ве интересира

(ВИДЕО) Стоилковски за тужбата од Нинџа: По оваа логика, Русковска му ја загрозила безбедноста

Кристијан Ландов

(ВИДЕО) Адвокатот на Нинџа: Има општо закани и се чувствува несигурен

Кристијан Ландов

Тензично судење: Нинџа го тужи Стоилковски оти се исплашил, судијката не обезбеди тонско снимање и одржа рочиште

Кристијан Ландов

ВИДЕО: Бомбите за Русковска пред Апелација, ексдиректорот на УБК бара Хаг да го суди „Организатори на 27 април“

Кристијан Ландов

Сведокот Нинџа од „27 април“ осуден за помагање при бегството на осудените за прислушкувањето во Македонија

Кристијан Ландов

Митрески: Крвавиот четврток е вистинското лице на ВМРО-ДПМНЕ, нема да дозволиме никогаш да се повтори