Невремето со силен дожд кое вечерва го зафати Скопје, ги поплави градските улици и булевари и предизвика големи потешкотии во сообраќајот. На снимка од населбата Кисела Вода се гледаат вистински реки и преплавени шахти за атмосферска канализација, а поплавени се речиси сите улици во населбата.
Ништо подобра не е ситуацијата и во повеќе други скопски населби, а возењето автомобил низ улиците на главниот град вечерва е вистинска авантура.
Од УХМР и за утре прогнозираат нестабилно време со можни силни локални невремиња кои може да предизвикаат слив на поголеми количества вода во градските средини. Стабилизација на временските услови се очекува од понеделник, велат метеоролозите.