Одделот за внатрешна контрола во МВР до ОЈО поднесе кривична пријава против полициски службеник од СВР Битола, поради основано сомнение дека сторил малтретирање во вршење на служба и неосновата потреба на физичка сила, соопшти министерот за внатрешни работи Оливер Спасовски.
Воедно против истиот поведена е и постапка за утврдување на дисциплинкса одговорност и суспенција од работното место.
Суспендиран е и полицискиот службеник кој бил присутен на настанот и не преземал никакви мерки за спречување на прекумерната употреба на физичка сила.
„Ја барам вашата поддршка, ниту еден македонски полицаец да биде нападнат и да не се одговара. Ударот на полицаец е удар на државата и тоа треба сериозно да биде санкционирано“, рече Спасовски.
Тој вели дека ваквите настани прават да се руши вербата во системот и полицијата.
„Ниту еден ваков чин не може да се оправда. Нашата цел е полиција која ќе биде во служба на граѓаните и во функција на нивна поголема безбедност“, вели Спасовски.