Пратениците од ВМРО-ДПМНЕ испуштија да гласаат за точката сослушување на Сашо Мијалков на денешната седница на Анкетната комисија за скандалот со прислушувањето и воопшто не се изјаснија.
Тие претходно побараа точката да се повлече од дневен ред и наместо да сослушува сведок, Анкетна комисија на денешната седница да се занимава со други прашања.
Откако претседателот, Петре Шилегов, го затвори гласањето и констатира дека точката не е изгласана, пратениците од владејачката партија се побунија дека не им било овозможено да се произнесат. Горан Мисовски од НСДП, ги праша овие пратеници зошто не гласале.
-А бе наша работа зошто не гласавме – му одговори Крсто Муковски од ВМРО-ДПМНЕ.
Пратениците од СДСМ гласаа Анкетна денеска да утврди сослушување на сведокот Сашо Мијалков за дневен ред, а независната пратеничка Роза Топузова Каревска беше воздржана.
Маја Васева