Препукувањата меѓу пратениците од власта и опозицијата на денешната седница на Анкетна комисија навлегоа и во одбрана на партиските лидери. Додека се чекашеда влезе во салаата првиот сведок на Анкетна, премиерот, Никола Груевски, претседателот, Петре Шилегов, и пратеникот, Антонио Милошоски, разменија неколку поенти.
Според Милошоски, лидерот на ВМРО-ДПМНЕ си стои на зборот и ќе присуствува на седницата кога веќе го изјавил тоа.
-За разлика од некои политичари кои не остануваат на нивните изјави и ги менуваат на неколку месеци, претседателот останува на своите изјави и треба да бидат почитувани – рече Милошоски.
Шилегов потсети на изјавите на Груевски каде тврдеше дека никогаш нема да прифати техничка влада.
-Веќе сме слушнале изјави во форма дека нема политичка криза, дека нема да има техничка влада, дека нема да има предвремени избори, дека техничка влада ќе има, ама без ВМРО-ДПМНЕ. Сме слушнале и изјави дека странски служби прислушувале, се уште неотповикани изјави – рече Шилегов.
Маја Васева