(ВИДЕО) Милевски: После сите тие мили зборови во интерес на жените, продолжија навредите кон Јанева

Од:

После сите тие мили зборови за интерес на жените, се продолжи со навредите кон Катица Јанева која што три дена ги трпи во Собранието, рече пратеникот и лидер на Либерално-демократската партија, Горан Милевски.

– Само да кажам што се денеска и кажаа: Лажете, неспособна сте, распашана сте, ништо не работите, закани доби дека треба да води сметка кога ќе и заврши мандатот каде ќе се врати, си играте мајтап, статистичка грешка сте. Продолжете со овој речник да ги штитите жените во Република Македонија. Ниту сакам да изигрувам адвокат, ниту опозицијата некого брани, Катица Јанева докажа колку е способна сама да се брани во овие три дена. Сакам да ви кажам дека ЛДП ви дава целосна поддршка, рече Милевски.

Тој рече дека барем половина од пратениците ќе останат и во наредниот мандат и дека тогаш ќе треба да гласаат да се продолжи мандатот на Катица Јанева и на Специјалното јавно обвинителство.

– Од нас поддршката ја имате за продолжување на мандатот, бидете убедена и дека ќе ја имате и од ВМРО-ДПМНЕ, но како тоа ќе го објаснат оставаме на нив. Овде се изнаслушав за пресумпција на невиност, а тоа го слушнав од устата на луѓето кои што 10 години уста не отворија кога се апсеше Љубе Бошкоски со пиштол во устата, тогаш не се сетија дека Бошкоски има жена и деца и дека тоа се гледа на телевизија, рече Милевски.

Александар Тодески

Би можело да ве интересира

(ВИДЕО) ЛДП: Градските власти да ја искосат тревата и да ги средат парковите

ЛДП: Главниот град се гуши во смет. Дали Скопје има градоначалник

Марина Димовска избрана за нова генерална секретарка на Собранието

Предлог законот за дополнување на Законот за енергетика, по скратена постапка, проследен на натамошна постапка во Собранието

Верификувани мандататите на новите пратеници

Собранието ќе ги пополни местата на пратениците кои станаа министри