(ВИДЕО) Мицкоски: Не ме пуштија да го видам, Јанакиески го чуваат околу 50 полицајци

Од:

Претседателот на ВМРО-ДПМНЕ, Христијан Мицкоски од пред болницата „8-ми Септември“, каде е хоспитслизиран екс-министерот, Миле Јанакиески рече дека денешниот ден е црн ден за демократијата.

Мицкоски на новинарско прашање одговори дека не му било допуштено да го посети Јанакиески, кој се наоѓа во болница по тепачката во затворот „Скопје“ во Шуто Оризари, откако вчера му беше одреден 30-дневен притвор.

„Не ми дозволија да го видам Јанакиески. Дојде дежурниот доктор и кажа дека има повреди по телото. Станува збор за тешка ситуација пред вратата на Јанакиески. Педесет полицајци беа таму и јас со неколку луѓе. Директорот требаше да се јави кај Зоран Заев за да види што ќе каже. Денеска видивме дека затворениците немаат права и исто така се подложни на туртура“, рече Мицкоски, кој претходно беше сопрен од обезбедувањето кое му укажа дека за посетата треба да побара одобрение од судот.

Претседателот на ВМРО-ДПМНЕ, најави дека случајот со тепачката во затворот ќе биде пријавен кај меѓународните фактори. Рече дека никој не ја признава грешката, туку ја правдаат со евтин „пи-ар“.

„Лудилото продолжува. Оваа криминална Влада го покажува вистинското лице. Денес се жртви Спире и Миле, а утре ке биде секој од вас. Ова е преседан, државата не успеа да ги заштити“, рече Мицкоски од пред болницата.

Тој побара одговорност да сносат премиерот Зоран Заев, министерката за правда Рената Дескоска и министерот за внатрешни работи, Оливер Спасовски.

„Треба да размислите што се случува во Македонија. Веднаш оставка од овие луѓе и предвремени избори. Рацете на Зоран Заев се крвави и не постои вода што може да ги испере“, рече Мицкоски и додаде дека ако ова е животот што дошол во Македонија, да им служи на чест.

Претходно денеска, екс-министрите Миле Јанакиески и Спиро Ристовски беа повредени во затворот „Скопје“ во Шуто Оризари.

Кристијан Ландов

Би можело да ве интересира

Петрушевски: Огромни суми на пари од продажбата на јаглен на ЕСМ завршувале на сметки на фирми на Заев, а кои имаат тесна врска со Филипче

СДСМ обвинува: ВМРО-ДПМНЕ вработува 50 свои луѓе во РЕК Осломеј

Катерина Ѓуровски

СДСМ: Зошто од истрагата е изоставен Томо Донев кој до несреќата повеќе од една година е началник за криминалистички работи во Кочани

ВМРО-ДПМНЕ: Во Здравство знаеле дека договорот и анексот на Филипче се криминални, одбивале да ги потпишат

Не помина предлогот на Апасиев за надзорна расправа во Собранието за трагедијата во Кочани

ДУИ: Изградбата на над 150 дивоградби во Чаир не е само урбан криминал, туку и политички притисок врз челниците на партиите миленици на Мицкоски