ВИДЕО: Мицкоски, откако се поздрави со сите, со ракавиците јадеше леб среде собир

Од:

По десетината изјави дека не сака да оди на избори бидејќи е загрижен за здравјето на граѓаните, Христијан Мицкоски како лидер на ВМРО-ДПМНЕ не дава добар пример за однесување во услови на пандемија. Тој оди на собири со ракавици и маска, но не одржува дистанца и се поздравува со присутните, за потоа без да се дезинфицира, со ракавиците да крши и јаде леб што му го нудат. Снимката од митингот во Јегуновце предизвика лавина реакции на социјалните мрежи. На неа се гледа како Мицкоски се прекрстува па потоа јаде од лебот, без да ги почитува мерките за заштита од коронавирусот.

Медицинскиот персонал кој секојдневно се бори да спаси животи на луѓе кои се заразени со коронавирус постојано кажува дека не е доволно само да се носи заштитната опрема, туку и правилно да се употребува. Но, Мицкоски без се придржува до инструкциите, без да ги извади ракавиците и без да ги измие рацете и да се дезинфицира, јадеше леб сред Јегуновце.

Според мерките што ги донесе Комисијата за заразни болести, на сите собири треба да се одржува дистанца од 1,5 до 2 метра, а забележително е дека и овој случај, како и на многу претходни митинзи, се случува спротивното. Мицкоски се поздравува со сите одблиску, без да внимава на растојанието. Растојание не држат ниту самите присутни, за време на говорите.

ВМРО-ДПМНЕ не сакаше да излезе на избори сè додека не заврши пандемијата, за сега да не ги почитува мерките за заштита од вирусот. Досега, нема информација дека имало казнети присутни на митинг поради непочитување на мерките за заштита од вирусот, иако во јавноста примерите за вакво однесување се бројни.

Би можело да ве интересира

(ВИДЕО) Арсовски: Зоран и Вице Заеви фатени во рекет афера од 6 милиони евра

Ана Ололовска

(ВИДЕО) Мицкоски: Победата на ВМРО-ДПМНЕ е се поочигледна

Ана Ололовска

Независната пратеници од ВМРО-ДПМНЕ го осудија објавувањето на снимките: Средбата со Мицкоски беше во канцеларијата на Мицевски

Ана Ололовска

Нова снимка: Мицкоски ги убедувал исклучените пратеници од ВМРО-ДПМНЕ да не гласаат за Законот за јавно обвинителство

Кристијан Ландов

Писмо од Мицкоски: Не ветувам чуда, но ви давам збор дека ќе бидеме подобри од оние досега

Ана Ололовска

Мицкоски од Кратово: Граѓаните ќе одлучат меѓу два различни концепта

А1он