„Денеска на седницата за советнички прашања ќе бараме одговор и одговорност за заклучените врати во средните училишта во Скопје за време на протестите.
Средношколците се директно засегнати од екстерното тестирање што власта на го внесува и на факултетите. Оттаму, средношколците имаат уставно и легитимно право да го изразат својот став“, рече на денешната прес-конференција Дамјан Манчевски, координатор на советничката група „Сојуз за иднината” и потпретседател на СДСМ.
„На средношколците им беше оневозможено правото на присуство на протестот, преку притисоците од директорите и заклучените порти на училиштата. И покрај се, нивното гласно НЕ се слушна преку затворените прозорци и врати.
Дали заклучените врати на средните училишта беа по наредба на Коце Трајановски?
Вака ли Коце Трајановски и ВМРО ДПМНЕ ја подразбираат слободата на јавно изразување на мислење и говор?
Што преземал и дали воопшто нешто направил Коце Трајановски за да утврди кој од директорите ги заклучил вратите на средните училишта?
Кои се Трајановски и ВМРО-ДПМНЕ да забрануваат слободна волја загарантирана со Устав?
СДСМ многупати досега се изјасни дека е целосно против концептот за екстерно тестирање во високото, средното и основното образование. СДСМ екстерното тестирање ќе го укине.
Ваше е неприкосновеното право на протест и слободно изразување на сопственото мислење. Може да не се согласуваме, ама мора да се сослушуваме и дебатираме, и тоа никој нема право да Ви го забрани. СДСМ ја поддржувал и секогаш ќе ја поддржува јавната дебата и слободата на мисла и говор“, вели Манчевски.