(ВИДЕО) Ковачевски доби силен аплауз од 70 пратеници: Улиците во Скопје се мирни, граѓаните очекуваат европска одлука

Од:

Предлогот е резултат на повеќемесечна целосно отворена експертска и политичка дебата и при носењето на предлозите Владата се водела од еден мотив, а тоа е влезот во ЕУ, истакна премиерот Димитар Ковачевски во воведното обраќање пред пратениците на пленарната седница на која точка е предлогот за пристапување кон измена на Уставот.

– Предлогот за дополнување има една релација и мотив: тоа е влезот во ЕУ. Тоа што го бара и очекува мнозинството граѓани. Предлогот е наш македонски и тој е напишан тука во Скопје.

Ги отфрлам лажните тези дека постои некаков диктат од било кого и било што. Постои само историска можност со овој предлог да донесеме одлука да чекориме во полноправно членство во ЕУ до 2030 година. Ова е наш македонски предлог поддржан од ЕУ и од САД и е во наша корист, за наше добро. Поддршката за македонскио идентитет се случи во Вашингтон, Берлин , Брисел. Никој не не нападна, не не асимилира и зад нас стојат најголемите и најсилните – рече Ковачевски.

Премиерот повторно се осврна на политичките структури кои според него сеат страв меѓу граѓаните и го плашат народот со катастрофи ако се промени Уставот, објаснувајќи ги интервенциите во Преамбулата.

– Овие интервенции во Уставот се однесуваат единствено во делот на додавање на бугарскиот народ, хрватскиот, црногорскиот ,словенечкиот народ, еврејскиот народ и египќанскиот народ. Со ова е истакната примарната уставотворност на македонскиот наорд и неговата засебност од другите народи, вклучувајќи го тука и бугарскиот народ. Предлогот не задира во било кое македонско идентитетско прашање. Ниту се може, ниту е возможно да се загрози македонскиот народ и тоа е единствената вистина.

И затоа денес кога ќе ги погледнете улиците во Скопје и другите градови, ќе видите дека се е мирно, бидејќи граѓаните очекуваат одлука за европската иднина.

Денес ќе стане јасно кој ќе се заложи државата да оди напред, а кој ќе ја блокира европската иднина, денес ќе се види дали ќе се одважат оние што бегаа досега и ќе дадат глас за ЕУ – порача премиерот од собраниската говорница и потоа добри стоечки овации од владејачкото мнозинство.

Би можело да ве интересира

На 28 мај закажана конститутивната седница на Собранието

Порака од Германија: Сакаме да ја видиме Северна Македонија во ЕУ, сега е важно да се продолжи со уставните измени

Ахмети ја објави декларацијата потпишана со коалицијата „Вреди“за уставни измени

Предраг Петровиќ

Новиот состав на Собранието треба да се конституира најдоцна 20 дена по изборите

Ковачевски: Граѓаните одлучуваат дали одиме во ЕУ или се враќаме назад

Катерина Ѓуровски

Ковачевски од Струмица: Му благодарувам на ЗНАМ што ја разјасни дилемата и што застана јавно со ВМРО-ДПМНЕ

Предраг Петровиќ