Досега оваа локална власт претводена од Талески и од ДПМНЕ потроши над 200 милиони евра буџетски пари, народни пари! Буџетот на Општина Битола за 2015 година е досега најобемниот, најголемиот буџет на Општина Битола, рече Благојче Котески.
Предвидениот буџетот за оваа година изнесува 25 милиони евра.
Но и оваа сума на пари не е доволна за Талески и за ДПМНЕ.
Во понеделник овај Совет предводен од Талески и од ДПМНЕ ќе го задолжи градот и сите нас битолчани, за нови 2.5 мил евра.
Со ова ново задолжување, буџетот на Општина Битола за 2015-та ќе тежи фантастични 27.5 мил евра.
Во името на советниците од опозицијата го повикувам општиноначалникот Талески да земе учество и да присуствува на седницата на Советот на Општина Битола закажана за во понеделник 30 Март со почеток во 10 часот.
Ја повикувам и претседателката на Советот на Општина Битола Силвана Анѓелевска, во името на Советот на Општина Битола да го повика општиноначалникот Талески да земе учество во дебатата на Советот.