Пожарот кои синоќа бесееше во шумата во близина на Кочани и кој зафати дел од куќите остави пустош. Откако во текот на ноќта пожарникарите и локалното население успеаја да се изборат со огнот, денеска се расчистува она што остана по пожарот и се прави првична проценка на штетите.
Бандерите кои се целосно уништени се уриваат. На ридот на 50 метри од куќите има возило на кочанските пожарнаикари кое ги гаси последните делови од каде што излегува чад.
Граѓаните по непроспаната ноќ се уште ги расчистуват куќите кои беа зафатени од пожарот.
Две куќи се изгорени, а другите се исчадени и исцрнети или со штети на фасадата. Во моментов се врши проценка на штета.
Над куќите имало штала каде што за среќа стоката била пуштена. Целосно се уништени се пчелни стопанства како и мини-фарма со кокошки.
Девет лица кои вдишале чад во текот на ноќта побарале помош во кочанската болница. Сите се пуштени на домашно лекување.