Три маркети на „КАМ“ добија казна од 12.000 евра за фирмата и 3.600 евра за одговорното лице од Пазарната инспекција, откако зејтинот го тргнаа од полиците, а иако го имале на залиха, го даваа само ако купувачите направат сметка од 800 денари. Ова доаѓа по објавата на „А1он“, каде вработените ја спроведуваа оваа одлука на раководството. Директорката Анета Симеска-Димоска кажа дека ова е нечесно пазарно однесување.
„Кај еден субјект имаме прекршочни платни налози за нечесно пазарно однесување – имаше масло во магацин, а не на рафт. Има и прекршочни платни налози каде по Закон за заштита на потрошувачи кој се однесува на условување на купување на едни производи или други производи, што е казниво. Казната е 4.000 евра за правното и 1.200 евра за одговорното лице. Станува збор за еден троговец кој има повеќе маркети, утврдено е во неколку градови“, кажа директорката Симеска-Димоска како резултат од инспекцискиот надзор.
Инспекторите во вторикот направиле проверка во повеќе маркети на „КАМ“, а по пријавата од „А1он“, кој таква ситуација затече на терен и сними.
„Маслото за кое зборувате по однос на евиденцијата со документација во приемниот лист каде сме надлежни е продажната цена е 90 денари. Нема да дозволиме да имаме манипулации од страна на трговците. Бараме да имате доверба и трпение и чувство дека навистина како роган се грижиме максимално да ги спроведеме нашите обврски“, додаде Симеска-Димовска.
Една од телевизиите вчера јави дека на рафтовите од „КАМ“ има зејтин и станува збор за дезинформации. Според казнувањето на Пазарна, ваквата објава е пласирана без да се провери на терен.