Градоначланикот на Тетово, Билал Касами ќе бара помош од Владата за санирање на штетите од поплавите во тетовски регион, пред се за обештетување на граѓаните. Тој по седницата на Крзиниот штаб попладнево рече дека во градот покрај прватни имоти се поплавени и институции како и училишта и градинки.
-Неадекватните инвестиции во делот на атмосферската канализација резултираа со тоа што повеќе од улиците, повеќе од булеварите и кружните текови беа блокирани и беа под вода. За жал, дел од таа вода отиде во подрумите на куќите, особено во делот кај Тетовчанка, Тетекс, и во целото градско подрачје кое е во долниот дел на градот. Исто така беа поплавени некои од јавните институции, училишта и градинки. Од утрово сум на терен со противпожарната и спасителна екипа во рамките на Општина Тетово каде интервениравме и дел од проблемите ги решаваме во од. Во ситуацијата интервенираме и за испумпување на водата од подрумите на граѓаните, изјави Касами.
Кризниот штаб донесе и повеќе заклучоци според кои ќе се бара помош од Владата за надоместување на штетите, чистење на речните корита, како и помош и од град Скопје за чистење на улиците.
