Продолжува низата гафови и комични ситуации на митинзите на претседателските кандидати во последната недела од изборната кампања.
Стево Пендаровски на митинзите зборуваше на албански, им даваше знаци на присутните да станат при интонирање на химната, но и се шегуваше со грешките кои ги правеше неговата противкандидатка Гордана Сиљановска-Давкова.
Лапсузи и смешни моменти имаше и кандидатката поддржана од ВМРО-ДПМНЕ, Сиљановска. Таа, говорејќи на митингот во Скопје, го погреши датумот на изборите и наместо на 21 април, ги повика граѓаните да гласаат за неа на 21 септември. Младината од ВМРО-ДПМНЕ за Сиљановска направи и аматерски видео-спот кој потоа вирално се рашири на социјалните мрежи, па иако целта беше да се привлечат гласови, истиот доби сатирична димензија.
Учество на митинзите од СДСМ, зема и лидерот Зоран Заев кој зборуваше на кумановски дијалект и српски јазик, a посветуваше и песни до ВМРО-ДПМНЕ.
Кристијан Ландов