Обвинетиот Сашо Мијалков, кој никој не знае каде е и против кого се водат неколку дела, пред две години во судот убедуваше да не добие притвор за „Империја“ што беше побарано од обвинителката Фатиме Фетаи.
-Слушнав денеска од страна на обвинителството дека се појавиле во текот на моето однесување околности коишто им наговестувале дека ќе сум се дадел во бегство. Сакам да кажам дека ваквото тврдење може да се сведе на шпекулавии. Наративот на моето однесување… со ниеден гест или мала индиција дека јас сум помислил, а камоли да направам такво нешто.
Филозофијата на моето размислувањ е дека со бегање работите не се решаваат, стилот на моето живеење не е бегањето, односно сакам да ви кажам јас никогаш нема да побегнам. И доколку Апелациониот суд ја потврди пресудата тоа ќе го решам со извршување на казната, никако со бегање, убедуваше Мијалков тогаш обвинет уште во 3 предмети на СЈО – Тортура, Таргет – Тврдина и Трезор.