(ВИДЕО) Јаулески: За студентите е луксуз топла вода и парно греење

Од:

„Зоран Заев и Радмила Шекеринска не се тушираат со студена вода во нивните луксузни купатила. Тие и нивните блиски уживаат на јахти и мотори, а за студентите е луксуз да добијат топла вода. Ветуваа студентски градови и подигнување на студентскиот стандард, а ги вратија студентите 15 години назад.

Студентите во студентските домови повеќе од две недели се оставени без топла вода и парно греење. Власта не работи за младите, власта работи против младите“, рече пред Студентскиот дом „Стив Наумов“, Јован Јаулески од ВМРО-ДПМНЕ.

„Студентите во студентските домови не можат да ги остварат основните потреби. Тие со недели немаа ниту топла вода, ниту греење, а температурите се се пониски. Студентите живеат во субстандардни услови. Иако редовно ги плаќаат обврските кон државата, обврските за домување, добиваат ризик по нивното здравје.

Исто и храната во студентските домови не ги задоволува санитарите и калориските стандарди. Во неа редовно можат да се најдат бубачки, отпушоци и игли! Вака се хранат идните академски граѓани кои треба одново да ја градат државата која што СДСМ ја уништува!

Ваквата состојба во студентските домови е резултат на негрижата и неспособноста на актуелната власт на СДСМ. Реализацијата на капитални инвестиции изнесува очајни 27 проценти нема нови проекти за младите, стопирана е реконструкцијата на студентските домови.

Нема ништо ниту од ветувањата за изградба на студентските градови.
Ветувањето за младинска гаранција исто така остана уште една шарена лага на власта, а СДСМ дополнително скрати милиони евра со ребалансот на буџетот наменети за изградба на основни и средни училишта, превод на книги од светски реномирани автори и други проекти во интерес на младите.

ВМРО-ДПМНЕ знае што им треба на младите, а во новата програма на партијата тие ќе биде врвен приоритет. На Македонија и требаат младите кои одново ќе треба да ја изградат државата од пустошот кој го оставија Заев и СДСМ!“, изјави Јаулески.

Би можело да ве интересира

СДСМ: По промоцијата на Магма, очекуваме Мицкоски да го пушти во употреба „Мој ДДВ“

(ВИДЕО) Талески: Втор обезбедувач на Мицкоски фатен во контакт со подземје

ВМРО-ДПМНЕ: СДС е тешко да сфати, но кога последен пат бил уапсен член на обезбедувањето на премиерот, нема милост за криминогените

Катерина Ѓуровски

СДСМ: Обезбедувањето на Мицкоски е составено од најголемите криминалци во државата, кои тој лично ги одбрал

Катерина Ѓуровски

СДСМ: И по една година, Мицкоски уште сече ленти на инвестиции на СДСМ

Горан Наумовски

(ВИДЕО) Илиевски: Нов скандал во министерството на Андоновски, тендер добиле родители на негов вработен