„Денес на дневен ред на седницата на Советот е извештајот за работата на полицијата во Општина Карпош. Согласно овој извештај Карпош е загрозен и небезбеден, а жителите несигурни бидејќи МВР немаат доволно ресурси и соодветен план за работа. Во секој случај граѓаните го плаќаат цехот.
Со 750 извршени кривични дела, провални кражби, грабежи и разбојништва, а расветлени од непознат сторител 0, нашите сограѓани веќе се несигурни и на улица и дома.
Тоа се стотици илјади евра материјални штети, но уште пострашни се психичките трауми кои со години ќе ги следат нашите граѓани“, рече Тони Јаревски, советник од советничката група на ВМРО-ДПМНЕ.
„Пред еден месец вооружени насилници влегле во домот на младо момче, го ограбиле, десет часа го малтретирале и на крајот се обиделе да го заколат. Со обилно крварење бил однесен на КАРИЛ. Исходот ист како и во сите останати случаеви. Насилниците се непознати и оставени на слобода.
Замислете! 60.000 граѓани, 105км2, а полицијата во Карпош со само 1 функционално возило и недоволна кадровска екипираност во полициската станица.
Зошто Карпош е оставена на милост и не милост од страна на државата и МВР?
Нема да дозволиме Карпош да се претвори од најпосакувана Општина за живеење во Оаза на криминалот.
Денес Советничката група на ВМРО-ДПМНЕ ќе поднесе барање за итна измена и дополнување на дневниот ред со цел времено отстапување на уште едно теренско возило Ауди Q7 за потребите на полициската станица и ќе ги поддржиме сите иницијативи што би произлегле од ингренциите на локалната самоуправа со надеж дека полицијата ќе има барем основни услови за нормално извршување на нивните обврски.
Посакувам, се надевам и очекувам дека оваа искрена иницијатива ќе биде поддржана од сите советнички групи бидејќи безбедноста не засега сите нас“, изјави Тони Јаревски, советник од советничката група на ВМРО-ДПМНЕ.