Синоќа на заедничка средба на Данела Арсовска со жители на Жданец, а на која не беа повикани медиуми, Стевчо Јакимовски кажа дека се даваат пари од дилери на дрога за да се купувале гласови против него и Арсовска.
-Поголема количина пари од дилери на дрога од Сарај, денеска се земени за купување гласови во Карпош и тие средства се пренесени со возила на интервентата полиција. Овие информации ми се сигурни, добро е обвинителот кој е задолжен за оваа работа да не исконтактира да му дадеме дополнителни информации. Карпошани не се сиромашни, сиромашни се само тие што се сиромашни во духот, рече Јакимовски.
-Граѓаните ги оценија негативно во една многу мирна атмосфера, нашиот брод тие го потонуваа, ни правеа штрајкови, и така го потопија нашиот брод, но нивниот брод тоне по мирно море, рече Јакимовски и додаде дека жителите на Жданец и Карпош знаеле дека е се направено за нив.
-За да дојдеме во оваа ситуација многу сме вложиле кај граѓани на Карпош и Жданец, знаат дека се сме направиле за граѓаните, ни фали уште фекална канализација за кај резервоарите на вода, и од прилика некои големи проблеми месната заедница нема. Ќе направиме и една убава фонтана за да може да се собираат граѓаните. Се надеваме со Данела дека ќе го прееземеме кормилото и заеднички со уште многу проекти, ќе обезбедиме и овде секаде вода за пиење, рече Јакимовски.