ВИДЕО: Иванов не ги прими демонстрантите, го нарекоа кукавица од претседател

Од:

Група македонски здруженија денеска организираа протестен марш со барање претседателот Иванов да му го одземе мандатот на премиерот Зоран Заев, меѓутоа тие не беа примени во вилата Водно.

Дваесетина членови на здруженијата „Преродба“, Семакедонскиот национален совет „Македониум“, МПЗ „Тврдокорни“, Движењето за цивилизациски вредности, „Единствениот пат“ – движење на македонските носители и бранители на државниот суверенитет попладнево тргнаа на марш од пред канцеларијата на ЕУ до вилата на Иванов на Водно, но од обезбедувањето добија известување дека тој си заминал, а присутните на тоа бурно изреагираа нарекувајќи го кукавица.

Преку овој протест членовите на здруженијата сакаа да се чуе гласот на македонскиот народ, бидејќи како што рекоа, Македонија била нападната од сите страни.

Страшко Олумчев, претседател на Семакедонскиот национален совет „Македониум“, рече дека протестите ќе продолжат и дека повторно ќе се обидат да му ги достават барањата на Иванов.

– Не ме интересира Зоран Заев, не ме интересира Никола Груевски. Мене ме интересира борбата за македонската кауза, за Македонија и за македонскиот народ. Ништо повеќе, ништо помалку, рече тој.

Здруженијата бараат да му се одземе мандатот на Заев затоа што, како што велат, премиерот работи против македонските национални и државни интереси, а за туѓи интереси и рушење на државата.

Би можело да ве интересира

Заев: Нова лидерска средба може да се одржи најдоцна до крајот на мај

А1он

(ВИДЕО) Нови протести во Љубљана против Владата на Јанез Јанша

А1он

Протестот за театарот во Тирана помина мирно

А1он

Албанија: Лидери од опозицијата добија кривични пријави за учество на протест

А1он

Синот на Зоран Верушевски ја снимал објавената снимка од разговрот со Заев

Кристијан Ландов

(ВИДЕО) Заев: Ако нема договор, законските рокови ќе стапат на сила, избори ќе има на 21 јуни

Ана Ололовска