Партијата ИНТЕГРА поднесе тужба против лидерот на ВМРО-ДПМНЕ, Христијан Мицкоски преку која бара 100.000 евра, поради изнесени клевети и лаги за време на прес-конференција. Според ИНТЕГРА, Мицкоски со неговото излагање му го нарушил угледот, авторитетот и честа на нивниот лидер, Љупчо Ристовски.
ИНТЕГРА поднесе тужба против Христијан Мицковски, претседателот на ДП*НЕ…
Денес, поднесовме тужба против Христијан Мицкоски, кој во својство на претседател на опозициската ДП*НЕ изнесе лаги, клевети и инсинуации на официјална прес конференција против лидерот на ИНТЕГРА д-р Љупчо Ристовски и со тоа го наруши угледот, авторитетот и честа во јавност.Оштетно побарување од 100.000 евра, доколку се добие тужбата, ќе биде наменета за поддршка на Здруженија за дечиња со посебни потреби.Пораката е дека на јавна политичка сцена секој, особено лидери на партии да престанат да сејат лаги и клевети и на тој начин да го разоруваат македонското национално ткиво.Длабоко вгнездените удбашки структури во ДП*НЕ веќе 30 години зад завеса ја раководат оваа политичка партија, која забрзано го губи приматот врз македонскиот национален стратегиски интерес.ИНТЕГРА, со Божја помош, во налет го презема приматот, сигурно и неповратно.
Posted by ИНТЕГРА – Македонска конзервативна партија on Петок, 18 септември 2020
„Пораката е дека на јавна политичка сцена, секој, особено лидери на партии да престанат да сеат лаги и клевети и на тој начин да го разоруваат македонското национално ткиво. Длабоко вгнездените удбашки структури во ДП*НЕ веќе 30 години зад завеса ја раководат оваа политичка партија, која забрзано го губи приматот врз македонскиот национален стратегиски интерес. ИНТЕГРА, со Божја помош, во налет го презема приматот, сигурно и неповратно“, објави ИНТЕГРА.
Доколку ја добијат судската постапка и оштетата од 100.000 евра, парите ќе бидат наменети за поддршка на здруженија за деца со пречки во развојот. Претходно, Ристовски изјави дека тужбата против Мицкоски е бидејќи лидерот на ВМРО-ДПМНЕ за време на прес-конференција кажал: „Имаме сериозни информации и докази дека финансиски мотивирани од други политички партии, а луѓето кои се тука со мене, исто така, тие индиции, ги потврдуваат со сопствено сомневање, дека постојат сериозни финансиски мотиви со цел да направат штета во опозицијата и да се поделат гласовите“.
