Пратеникот од владејачката ВМРО – ДПМНЕ на денешната расправа за предлогот за пристапување кон измена Уставот изјави дека за дефинирање на бракот постои широк политички, општествен и граѓански консензус.
– Дури 95 насто од граѓаните сметаат дека бракот треба да се дефинира во Уставот. Ова е тема за која нема етничка поделба. Европа не претставува пакет на либерални движења, а влезот во Европската унија не значи откажување од нашите семејните вредности. Регулацијата за ова прашање ќе значи гаранција дека за промена на ова прашање ќе треба широк консензус. По 40 години, мнозинство ќе бидат граѓаните кои ќе размислуваат различно, но заради сензибилитетот на ова прашање, ќе треба да обезбедат широк општествен и верски консензус. Ако воопшто се случи тоа некогаш во Македонија, нека им е со среќа на идните генерации – изјави Димоски.
На ставот на Димовски реплицираше новата пратеничка Мирсада Емини Асани, која успеа да стигне во пратеничката фотеља благодарение на партијата на Руфи Османи, прифаќајќи го пратеничкиот мандат. Таа изјави дека иако бракот меѓу маж и жена е нешто свето, сепак тоа претставува провокација за Европа, каде Македонија се труди да стане членка.
Петар Клинчарски
